El Batman de Frank Miller

Yo nun bebo café. Na pausa del café faigo otres coses; pasear, o escribir daqué, o dir a la biblioteca a buscar llibros o devolvelos.

Güey foi a echar un güeyu, y atopé un llibru que tenía ganes de lleer: Batman, el regreso del señor de la noche, de Frank Miller. Además yera un llibru nuevín, mui guapu, azul, de esos que presta lleer enantes de que dalgún osu con zarpes de dinosauriu lu saque y lu devuelva tóu esfarrapláu. Garrélu ensin abrilu siquiera, “pal sacu”, pensé, y seguí buscando otres coses.

Mentantu buscaba, entamó a llegame un golor a tabacu que daba ascu. Tabacu rancio, asqueroso… Un golor fuertísimu. Hai xente que güele asina (la ropa, el pelu), anque ellos nun lo saben, porque fumen (y lluéu gasten perres en colonia… ja). Yo miraba alredor, y nun veía naide averáu a mí como pa que me llegara el golor (salvo que fora dalguno que apestara a kilómetros). Hasta que me di cuenta de que lo que golía yera’l llibru que tenía na mano.

Dalgún simpáticu llector tuvo lleéndolu y dándose gustirrinín (con dos docenes de paquetes de tabacu, supongo), y dexónos a los demás el recuerdu.

Yo nun soi demasiáo repunante pa los golores, y nun me importa un ren que un llibru tenga güelgues del que lu lleó enantes que yo. Pero el golor yera tan fuerte y daba tanta revoltura que en cuantu me di cuenta azotélu pa la estantería inmediatamente. Si cerráu ya golía así, qué sedría cuandu me pusiera a lleélu en mi casa y pasara les fueyes una por una…

Y esa ye la hestoria de por qué nun lleí’l Batman de Frank Miller.

Anuncios

4 comentarios to “El Batman de Frank Miller”

  1. Sergio Says:

    Con esi olor, leyolu Miguel Ángel Comendador fijo :-PNun sabéis lo que yera entrar nel su despachu de Vicerrector ya tener que guíase de la so voz en medio de lo que parecía la niebla de Londres ya yeren los restos de tres cajes de Ducados diaries….Nun sabía que -y gustaran los cómics pero encaja en su biografía, quizás pueda secuenciar el genoma de Batman, daría mucha notoriedá a la Universidá de Uvieu agora que hay cuatro presones empeñaes en ello xD

  2. Guti Says:

    Alcuérdome d’una reunión con elli y’l direutor d’área de profesoráo y otra xente na sede de Sicoloxía. El primeru que entamó a fumar foi Comendador, y siguiéronlu otres goches. Yo nun marché nin dixe nada porque taba ellí representando a un centru y nun quise buscar problemas, pero paecióme mui, mui gordo.Nun sé si llee cómics… Igual ye un superhéroe dafechu y poles nueches sal polos teyáos con un traxe d’esperteyu 🙂

  3. Hiroshige Says:

    Pa mi que más que leelu, pasó munches hores metíu n’un chigre… Pero haylos que fieden ya “de fábrica”, no sé si ye cosa’l papel o la tinta pero tumben :-$

  4. Guti Says:

    Nah, pa mí que la peste que daba esti llibru sólo se consigue fumando mientras llees, echando bien el fumu fueya por fueya…

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: