Un mar en Titán

Últimamente atópome munches coses d’astronomía, nun sé si porque los periódicos miren muncho pal cielu (pal de verdá) o porque, de casualidá, veo eses noticies que ponen de xemes en cuandu.

Güey falen d’un mar en Titán, la lluna de Saturno. Ye verdá lo que diz un comentariu: el mar, si desiste, ye de metano, non d’agua. Y eso tenía que dir nel titular, porque la noticia nun ye tan noticia si el mar ye de metano.

Pero nun pude evitar pensar cómo pué ser tar ellí, n’un d’esos mundos, y mirar p’arriba. Tamién lo fizo el artista que fizo el dibuxu que ponen:

y hebo otros enantes que él:

Pero, anque seya perguapo, nun creo que Titán seya asina. El tamañu de Saturno nel cielu debe de andar perehí más o menos (la NASA imaxínaselo asina), pero polo que lleí, el Sol dende Titán tien que vese mui, mui lloñe; malapenes como una estrella mui brillante (Saturno ta unes diez veces más lloñe del Sol que la Tierra). Esos paisaxes nos que paez de día, o el sol podía ser el nuestru sol al atapecer, nun creo que nos dean idega de la escuridá y la soledá que tien que haber ellí, incluso si se piensa que Titán reciba brillu de Saturno. Pa enriba, tien una atmósfera mui opaca que malapenes dexa pasar luz visible. Poro, la lluz en Titán ye la milésima parte de la que vemos nosotros de día na Tierra.

La atmósfera de Titán dicen que ye semeya a la de la Tierra primitiva, pero ellí la temperatura ye 180ºC baxo cero.

Por embargu, nesi mundu fríu y escuru, dicen que un home podría volar como un páxaru, sotripando unes ales colos brazos, gracies a la atmósfera más densa que la nuestra y a la gravedá más baxa. Y, si de verdá se pudiera ver Saturno, hebía ser un espectáculu ver nel cielu el segundu planeta más grande del sistema solar, colos sos anillos, y pensar que esa cosa inmensa, si se pudiera poner en agua, flotaría. Nel polu norte de Saturno hai un sistema de nubes hexagonal, polo menos dende fai 30 años. Diba ser impresionante si pudiera vese nel cielu de Titán.

Titán ye’l sitiu más lloñe nel que se posó una sonda fecha pol home. Asina que ellí hai dalgo nuestro. Y de la que baxaba, unviónos dalguna semeya. ¿Quies asomate a 16 km del suelu de Titán? Equí ta. ¿Ye la playa eso de la drecha? Quién sabe cómo pué ser la playa en Titán.

Y esti ye el suelu de Titán, comparáu col de la Luna y a la mesma escala.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: