Piratería

Nun ye tovía momentu pa emitir xuicios precipitáos. Más que ná, porque yo nun sabía un ren de la “flotilla de la llibertá” esa onde soldaos israelíes mataron a 14 persones. Asina que nun tengo los datos.

Pero suponiendo que lo que diz la prensa seya más o menos verdá… y refiérome a la prensa d’Israel, de momentu paez que eses 14 persones morrieron porque…

…soldaos israelíes abordaron los barcos…

…n’agües internacionales…

…cercanes a Gaza, non a Israel…

…y los israelíes dicen que hai un bloquéu…

…y los soldáos atopáronse con xente que los menaciaba… con palos y cuchillos:

Un portavoz militar israelí dixo que dalgunos de los soldáos llevaben pistoles de paintball, pero estes armes non-mortales nun yeran bastante contra los activistas, que cargaron con bastones. […]

Un soldáu dixo a los periodistas que baxó por una cuerda dende un helicópteru a ún de los seis barcos del convoy y dafechu atacólu un grupu persones que taben esperando.

“Pegáronnos con palos de metal y cuchillos”, dixo. “En dalgún momentu abrieron fuéu contra nós.”

Conociendo les maneres del exércitu israelí, y el so conceptu de la verdá… Yo entrúgome si, en tando nesi barcu, y viendo al exércitu baxar amablemente, yo nun me daría por muertu y fadría por quitá-yos les pistoles y echalos pela borda, como dicen que ficieron los activistas. Llámase defensa propia. Esi “en dalgún momentu abrieron fuéu”… Esi “pegáronnos con palos”… madre mía, lo que hai que lleer.

En fin. ¿Unviarán los Estáos Xuníos a la VI Flota? ¿Detendrán a los asaltantes d’un barcu n’agües internacionales, por piratas? ¿Xulgarán a esos soldáos que mataron a 14 civiles? ¿Pondrán a Israel na llista del “exe del mal” (armes de destrucción masiva tiénles)?

Pémeque non.

Anuncios

2 comentarios to “Piratería”

  1. Anonymous Says:

    nun pue entamar a falase de defensa propia si l'exercitu isarelín nun usó ainda la violencia. Vese bien nidio nos videos que enantes de baxar al barcu, ya taben llinchandolos, a ún robarony la pistola que usaronla escontra otru soldau, otru soldau mas tiraronlu pela borda pa matalu (vese nel video).Aunque lleendote, la prosima vegada que me pare la g civil a rexistrame (seya de manera llegal o non) clavoyos un cuchillu sabiendo como les gasten, por si acasu.Ta nidio que pa sofitar a los de siempre val cualquier razon, fagan lo que fagan.

  2. Guti Says:

    Nel vídeo namás que ves lo que sal nel vídeo, anónimo. (Por cierto, yo tovía non lu vi.)De toes maneres, la to teoría paezme mui acertáa. Desplíca-yoslo a los pescaores que anden pel Indicu:- Si ven unos tipos d'uniforme abordar el so barcu pola fuercia n'agües internacionales, eso nun ye violencia. Tienen que dexalos pasar hasta la cocina; si non, los abordaores consideraránse atacáos.- Nun puen asustase, nin temer pela so vida, ni lo que faigan pue considerase defensa propia, hasta que los soldaos que subieron faigan… (¿qué?)Per otru lláu, abúltame bien raro que esperen a los soldáos na cubierta, y faigan por quitá-ys les pistoles, si como dicen les autoridáes israelíes el barcu llevaba precisamente armes… Dende lluéu, estos invasores turcos son del xéneru tontu. Colo fácil que yera sacar el bazuca de la bodega.La to cabera frase ye aplicable a ti tamién (recuérdote que los únicos muertos que hebo veníen nel barcu). Pero yo nun sofito a "los de siempre". Yo sofito a les buenes persones, namás. Nun m'etiquetes.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: