¡Qué ritmu tien!

El metrónomo ye un aparatu que marca intervalos de tiempu regulares a la velocidá que quieras: tac… tac… tac… Esti ye mui típicu.

Nun cursu, Israel Sandoval, enantes d’entamar la clas, en plan de broma punxo el metrónomu y entamó a mover la tiesta, colos güeyos cerráos, como si tuviera sintiendo a un baterista funky, y decía: “¡Qué ritmo tiene, el hijoputa! ¡Vaya swing!” Y la verdá ye que viéndolu a él parecíalo, anque ellí lo único que sonaba yera… esacto, tac… tac… tac…

Ya falé dalguna vez de lo importante que ye el tempu, y cómo nos escaecemos d’ello. Garra un buen guitarrista (o que se crea buenu), pon-y un metrónomu… y ye ablucante la cantidá d’ellos que toquen mal. Neños, hai que ensayalo, too, too, TOO, col metrónomu.

Nesti seminariu ye ná menos que Pat Metheny el que fai otra cosa interesante. Pat ta preparando el metrónomu (predica col exemplu, y paez que siempres que trabaya / ensaya tien el metrónomu puestu; así tien lluéu el tempo que tien, el tío) y dempués de buscase un poco la vida (paez a Pepe Viyuela) hacia el segundu 40 apáñase pa poné-y el micrófonu cerca. Siéntese namás el típicu y aburríu tac… tac… tac… ensin forma. Pero entós, nel segundu 50, entama a tocar una rueda de blues.

Y ye increíble cómo esi tac… tac… tac… de repente tórnase nalgo tan diferente. De sópitu vuélvese un ritmu increíble, un swing con una marcha tremenda, y apetezte chasquear los deos y mover la tiesta. A mí abúltame que lo que pasa dende’l segundu 40 al 60 ye maxia.

Anque nun escuches más, d’esos 20 segundos tienes que deprender dalgo.

Anuncios

Una respuesta to “¡Qué ritmu tien!”

  1. loki Says:

    No tengo nada que aportar, pero disfruto tanto de estos posts "educativo-musicales" que tenía que dejar constancia. Como ya sabía, eres muy didáctico: Muchas gracias 🙂

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s


A %d blogueros les gusta esto: