La cruz y los comerciantes

Los comerciantes de la plaza’l Sol dicen que perdieron 30 millones d’euros en menos d’un mes, pol fechu de que tan los indignáos acampaos na plaza. Y dicen que-yos los pague Interior, los millones.

Faime gracia eso de que caún diga lo que diba ganar, y haiga que creelo (fáenlo los hosteleros de xemes en cuandu). Tamién me fai gracia que se quexen de los inconvenientes que tien tener un comerciu ehí, pero nun faigan donaciones al ministeriu Interior cuandu se beneficien de les ventaxes. Taría guapo que la policía echara a los acampaos el primer día, a hostia limpia, y un mes dempués fuera Rubalcaba y dixera: “Oye, que gracies a nosotros, y a que dexamos la plaza valera, esti mes ganastis 30 millones d’euros. Así que ya tais soltando polo menos quince”.

Nun son ellos namás; hay munchos ciudadanos que consideren que lo primero ye poder pasar pola plaza en llínea recta, ensin esquivar a naide. Por exemplu, María Tardón, xuez, que mira tú, foi a facer un recáu, y diz que tuvo que marchar ensin facelu, por tanta xente que hebía. Y entós indígnase y diz que eso nun pue ser, que ónde vamos a parar.

Nun llego a entender cómo ye que por haber muncha xente nun pues facer un recáu. Supongo que María Tardón pedirá que la policía eche a patáes a les manifestaciones de la AVT, o a toos esos que se xunten pa ver al Papa cuandu vien.

Supongo tamién que esi arrebatu en favor de la accesibilidá tendrálu en breve pa referise a les terraces que los comerciantes ponen na vía pública, y que -eses sí- nun dexen pasar peles aceres.

Pero ye curioso que una xuez, ¡una xuez!, tea indignáa porque hai unos conciudadanos que protesten pacíficamente pa pedir democracia y humanidá, y… moléstenla, sí, nun la dexen facer recaos agusto. Home, tien razón, ye indignante. (Anque a renglón seguíu ningunea a los acampaos porque diz que son pocos y por eso se xunten… ¿en qué quedamos?)

Otra cosa que me llama la atención ye que un presidente d’un parlamentu, el valencianu, diz que vien a servir. Y yo entrúgome: ¿a quién? Pues nun sé, pero de momentu, va y ya enantes d’entamar, mentantu lo piensa y lo pensamos, pon una cruz na mesa.

Un estáu aconfesional, la cámara onde se representen toos los ciudadanos. Y el presidente pon, na mesa de la presidencia, un símbolu relixosu. Y diz, con tol cinismu que caracteriza a dalgunos, “Debemos estar unidos en lo esencial”. Pa él, la meyor manera ye poner un símbolu relixosu nun parlamentu. Pa tar xuníos no esencial.

Nesa mesa na que ta de prestao, y na que representa a la institución que al tiempu representa a los valencianos (toos), ¿podría poner una banderina del Barça, o la semeya d’un etarra o un póster de Michelle Pfeiffer? Non. Pero abúlta-y que poner una cruz ta bien. Esa ye la normalidá, y la manera d’entender la democracia pa la que pide respetu.

Pero, en fin. Los votantes manden. Ellos sabrán.

Anuncios

4 comentarios to “La cruz y los comerciantes”

  1. darioa Says:

    Pues no sabía yo que la plaza de Sol era tan grande. Caben 2.000 comercios, según dice la noticia.Sería muy entretenido examinar los concienzudos cálculos de la asociación de comerciantes.Algunos comercios cercanos es probable que tuvieran algunas pérdidas, pero la verdad es que a exagerados no nos gana nadie…

  2. Pan Para Dos Says:

    30 millones de euros al mes. Que la Agencia Tributaria tome nota.

  3. Xuacu Says:

    Lo gracioso ye saber quienes son esos comerciantes: El Corte Inglés, FNAC, Zara, HyM, McDonald's… y de rellenu, los pequeños que nin pinchen nin corten.Esta asociación nació pa dos coses: presionar a La Espe pa que-yos dexara abrir en domingu (fundiendo de pasu a otres tiendes que nun tienen tan bonos contautos nes altures) y cobrar unes bones subvenciones por nun m'alcuerdo qué, pero una piḥada de les que se faen pa sacar perres.Ye una pena que nun m'alcuerde del sitiu de la rede onde lo lleí pa date l'enllaz, pero era un escándalu de la primer lletra a la cabera.

  4. Guti Says:

    Así les coses, casi que lo que faen ye da-yos la razón a los indignáos…

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: