Los premios de la concordia

Como asturianu, he reconocer que los premios Príncipe tienen facetes favoratibles pal país, como inventu que son que trai interés y rellaciones. Pue que hasta seyan rentables, nun lo sé. Hasta ehí, val.

Pero dexandu de lláu lo práctico y diendo a la filosofía, como ciudadanu he almitir que tanto por estos como por los Nobel, en dellos aspeutos, namás siento despreciu.

Hebía, por exemplu, pa escribir un llibru de los premios Nobel de la Paz. Pero agora vamos falar namás de los premios Príncipe de Asturias de la Concordia.

Pongo “de Asturias” y non “d’Asturies” porque pa estos premios nu desiste el asturianu. La páxina web de los premios sal en español y pues ponela (o tienes recursos) en inglés, francés, alemán, portugués, italianu, rusu, dalguna llingua árabe, polacu, chinu y xaponés.

Un despreciu más, una ofensa más. Pero vamos dexalo pa práu.

Viendo la llista de premiáos a la Concordia, hai delles coses que tampoco me gusten muncho na llista. Pero bueno, vamos dexales pa práu, tamién.

El premiu diz que se concede a (póngolo en castellano pa nun manchalo traduciéndolo al asturiano, nun vaya paece-yos mal):

– En el Premio Príncipe de Asturias de la Concordia: La persona, institución, grupo de personas o de instituciones cuya labor haya contribuido de forma ejemplar y relevante al entendimiento y a la convivencia en paz entre los hombres, a la lucha contra la injusticia, la pobreza, la enfermedad, la ignorancia o a la defensa de la libertad, o que haya abierto nuevos horizontes al conocimiento o se haya destacado, también de manera extraordinaria, en la conservación y protección del patrimonio de la Humanidad.

¿Pega Stephen Hawking nesti premiu? Home, en poniendo “abierto nuevos horizontes al conocimiento”, premies a cualquier científicu, anque seya Joseph Mengele.

¿Peguen les comunidáes sefardíes? Con tola simpatía que puea tener pa les comunidáes sefardíes, ¿qué llabor ficieron, aparte de caltener delles tradiciones? Nun sé, y lleendo la trayeutoria tampoco lo entiendo.

Pero diendo a coses más indignantes: ¿pega Hussein de Jordania? Un rei d’una monarquía hereditaria, que será meyor o peor persona, pero que nel so haber tien delles guerres, ente elles el Setiembre Negru que causó milenta muertos… Nun sé si por comparanza con otros ye meyor o peor gobernante, nin quixera tar nel so sitiu. Pero ¿ye dalguien exemplar no que se refiere a la convivencia en paz? Asina, los demás ¿hemos facer como él, y si fai falta masacrar a un montón de palestinos, por exemplu?

¿Pega el camín de Santiagu? ¿Ye siquiera una persona, o una institución? ¿Pega como premiáu una costumbre medieval, con raices nuna época d’absolutismu relixosu, y que ta basáa nuna sarta de mentires (porque, independientemente de que ún crea o no nos dogmas de la Ilesia, nun hai preba dala de eso del sepulcru del apóstol, y con toa probabilidá ye cenciellamente mentira, anque na páxina lo dean por cierto?

¿Pega Ingrid Betancourt, que ye básicamente una política, con más o menos virtúes, y que ye famosa más que nada por haber sío víctima d’un secuestru que ella nun escoyó?

¿Pega el Yad Vashem, Muséu de la Memoria del Holocaustu de Xerusalén, una institución d’un país nel que se da una de les paradoxes más tremendes del nuesu tiempu, y que ta en Xerusalén, ciudá de la que se apropió un estáu creáu pola fuercia de les armes en 1948, y que mantién guetos y muros d’una manera que sedría oxetu de bloqueos y boicots si pasara en cualquier otru país? ¿Ye coherente eso con el premiu que-y dieron a Berlín, precisamente por tirar el so muru?

¿Pega J.K.Rowling, que si nun recuerdo mal esi añu foi premiada por enriba de la candidatura de los voluntarios que llimpiaron el galipote del Prestige? ¿Fai falta decir más? Meyor no, porque colo de J.K.Rowling enciéndome. Voi dexalo equí.

Anuncios

2 comentarios to “Los premios de la concordia”

  1. Gaxarte Says:

    Tienes un gran blogue compañeru, sígolu siempres. Namás te digo que nun dexes d'espresate n'él, fai que dalgunos reflexonemos y too… jejeSalú y Norabona

  2. Guti Says:

    ¡Munches gracies! 🙂 Espresaréme, y sobre too, espero, reflexonaré yo tamién, que ye de lo que se trata.Un abrazu.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s


A %d blogueros les gusta esto: