El bosón de Higgs

Dicen que’l día de güey deberíamos recordalu, porque ye hestóricu. Güey descubrióse‘l bosón de Higgs.

Como ya dixe, me revienta que se fale de “partícula de dios” y otres tontáes por el estilu.  En too tienen que meter la misma peseta… Pero bueno, tontáes aparte, ye un gran día pa la física y pal conocimientu humanu.

Asina que nun pue pasar de güey ensin que conozas, polo menos, la cara d’esti paisano:

Peter Higgs

El otru día, Ramos metió un penalti a lo Panenka. Y otru día Torres dió-y un pase a Mata, sí.  Y entós Manu Carreño, Tomás Roncero y otros grandes llíderes d’opinión, falen de entrar na hestoria. Ja. Me troncho.

Esti paisanu, y estos otros, que forman una seleición de seis:

Kibble, Guralnik, Hagen, Englert y Brout

predixeron en 1964 que diba apaecer una cosa que nun se pue ver de manera dala, que nun se pue tocar, que pa poder medila y atopala requier la máquina más complexa que construyó enxamás el xéneru humanu, muncho más que’l transbordaor espacial, y tamién la máquina más grande de la hestoria, que dexa perpequeñu el cohete Saturn que mos llevó a la Lluna.

La so predicción namás pudo comprobase cásique 50 años dempués.

Esta cosa que se descubrió ye una pieza clave de la materia. De la realidá. De tolo que hai debaxo de la realidá, sofitándola.

Pero esto nun ye apasionante, nun ye interesante, nun ye escitante. Non como la copa d’Europa de 2012.

Güey ye un día grande. Culminen cientos d’años de desendolcu de la humanidá, y entama una época nueva, que va trayer más entrugues. Pero en ciertos sitios nun van contátelo ni desplicátelo; tan a otres coses.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: