Semeyes de la policía

Yo, ya lo dixe delles vegáes, creo na policía. Ye la mi policía. Son los míos.

El otru fin de selmana tuve de viaxe, y fíceme munches semeyes. Nun me pasó nada. Les semeyes, contra lo que creíen los indios, nun roben el alma ni faen ná al retratáu.

Cuandu esti gobiernu nuestru diz que ta pensando prohibir, por llei, que se tomen imáxenes de la policía cuandu tá trabayando na cai, pa salvaguardar la so seguridá o el so honor, entrúgome por qué.

Les semeyes, como digo, nun faen dañu; la seguridá de los axentes pue vese amenazáa si se difunde la so cara, o coses asina. Pero va munchos años que si saquen axentes nos medios tápen-yos la cara, o tápensela ellos mesmos. Los axentes trabayen de cascu (los de tráfico, los antidisturbios) o de pasamontañes (toos remembramos estes décades que llevábemos sabiendo de ETA y viendo a la Ertzaintza cola cara tapáa, eso sí, por seguridá).

La policía que yo quiero, en realidá, trabaya con lluz y taquígrafos. Puen tomase imáxenes d’ellos, porque nun tienen ná que esconder. Lleven un númberu identificativu bien visible, como -eso sí- diz la llei. La mi policía nun tiende a quitar cámares, sinon a poneles: nes comisaríes, nos interrogatorios. Como el magu que levanta les mangues.

La mi policía, na que confío, la que me ayuda y me defiende, nun comete delitos (salvo dalgún desgraciau, que en tolos sitios los hai). Igual el gobiernu cree que una policía segura ye una policía impune.

La mi policía nun necesita impunidá pa nada. La mi policía nunca, enxamás, ve peligrar el so honor porque daquién vea cómo trabayen na cai. El so trabayu na cai ye, precisamente, lo que los fai honorables, y ye dalgo que puen enseñar, y de lo que puen tar arguyosos, siempres.

Nun sé qué policía quier el gobiernu, ni qué consideración tien pal trabayu d’un policía.

Anuncios

Una respuesta to “Semeyes de la policía”

  1. Deteniendo a una Femen | Diariu de Guti Says:

    […] una vez que si a veces critico a la policía (y a veces la defiendo) es porque creo en ellos, porque son “mi” policía, la gente que me ayudará si estoy en apuros, que hace un trabajo que yo seguramente no sería […]

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s


A %d blogueros les gusta esto: