Adiós, Ligu. Adiós, Germán.

Cuando fice esta semeya ya dixe que Ligu taba raru. Pues dempués siguió perdiendo fueyes, hasta que morrió. Dexé pasar la primavera, por si acasu, pero non hebo ná que facer. Morrió, y morrió. Así que tuvo conmigo cerca de 4 años.

Dempués d’eso, la verdá que nun tuve prisa por quitalu, y lleva meses ehí. Un árbol secu tamién tien el so encantu. Esti ye Ligu güey:

Güey merqué una flor nel Fontán pa ponela ehí. Tovía nun quité a Ligu, pero voy quitalu.

Güey morrió Germán, un hermanu de Pepín. Germán tuvo en Bélxica, pero volvió. Si Pepín yera de los nuestros, Germán más tovía. Nun foi como lo de Pepín, a escondíes: ayeri vilu na cama, lúcidu, conocióme y llamome, como siempres, «che». Pero pémeque la imaxen que voi tener d’él va ser la de tantos años enantes. Un paisano amable, cercanu, y a quien almirar.

Ye lo que hai.