Jam nel Danny’s – I Can’t Get Started

Ayeri fui a la jam del Danny’s Jazz. Ye un atrevimientu, pero cuando tienes ellí a Alfredo Morán, David Casillas, Miguel Gallego y Jaime Moraga (o otra xente que puea apaecer perellí) dispuestos a aguantate y tocar contigo… pues hai que atrevese. Pémeque sedría más ofensivo refugar que aceutar.

Y atrevimientu sobre atrevimientu, toqué un tema que nun tocara nunca, y que mirara una hora enantes porque siempres me gustó enforma: I can’t get started. Una preciosidá.

Y como tercer atrevimientu, grabélo col móvil. El casu ye que les jam siempres me salen mui, mui mal, pero d’eso ye de lo que se deprende, y ye importante oyise dempués. Asina que grabélo como exerciciu, pa saber qué ficiera y poder escuchame, porque cuandu tas ellí, bastante tienes con nun perdete, atender a lo que pasa, y facer por tocar dalgo.

Ye un tema lentu, y cometí dellos erros típicos, y por eso duró demasiao. Como duró demasiao, equí voi poner namás la primera parte mía, por delles razones: porque ya dura como un canciu enteru, y porque a los demás nun-yos pedí permisu pa grabar, asina que supongo que nun-yos molestará si pongo esto, pero nun me gusta poner los solos d’ellos sin avisu.

Ya sé que se corta cuandu entama lo bueno, pero lo dicho, esto ye un exerciciu. De humildá, más que nada. Y un recuerdu de cuandu toqué colos grandes.

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: