Estudiando a Joe Pass: Groove Yard en conciertu

El otru día foi la “audición temática” de alumnos, y yo toqué seis temas de Joe Pass. Bueno, nun yeren de Joe Pass, porque malapenes hai composiciones de Joe Pass perende; tocábemos temas que grabó Joe Pass, faciendo por aplicar dalgunos de los arreglos de Joe Pass.

La audición salió más o menos como yo esperaba. El primer tema foi Night & Day, yo solu. Y entamar en frío y solu ye un riesgu, pero si nun lo asume un alumnu en práctiques, ¿quién lu asume? Hebo un montón d’erros, foi un desastre, pero per otru lláu algamé dalgunos de los oxetivos que me marcara.

Lluéu toqué Stompin’ at the Savoy, a trío, que ye otra cosa na que Joe Pass yera un maestru. Y salió medio pasable, anque hebo una confusión que espero que nun se notara demasiáo. Y esto de tener pa mí a Gonzalo Guardiola y Toni Cruz faciendo lo que yo diga… ye un luxu que nun se pagaría con perres. Ye como si te gusta andar col Seat Panda y un día te dexen conducir un Porsche Carrera.

Encima, a continuación xunióse Hugo Beltrán a tocar a cuarteto Relaxin’ at Camarillo (esi retu que me tuvo, y me tien, siempre peleando, pero que nun ye tan difícil si ún se limita a tocar lo que sabe, y non a intentar tocar lo que sabía Joe Pass), Groove Yard y I’ve Found a New Baby.

Y pa terminar yo, toqué con Elena Llorente, a dúo (otra especialidá de Joe Pass), Sophisticated Lady. Tocar a dúo ya lo ficiera más veces, pero nunca ye fácil y nunca dexa ún de sentir que ye un principiante por más que lo estudie.

Lo dicho, con montón d’erros, pero a la so manera en tolos temas algamé coses buenes y pasaron otres que me permiten sacar conclusiones y saber qué tengo que estudiar. Y sigo cumpliendo sueños cola música, la verdá, porque el otru día pasélo en grande y además nunca pensé que fuera veme nuna situación como esa.

Bueno, lluéu fue lo de Elena Llorente y compañía, que tuvo perbién, y lo de Andrés y Fran, tocando temas de Wes Montgomery, que foi verdaderamente espectacular. Pero d’eso nun voi falar agora.

Vémonos el xueves na jam del Danny’s, y mentantu, equí queda quiciabes lo más salvable de la audición (anque nel ensayu, como diz el profe, salió meyor).

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: