Jam nel Danny’s – Things we did last summer

Ayeri hebo jam nel Danny’s. Y dio la casualidá de que taba per equí… Mónica Matabuena, ná menos. Y siempre presta pola vida vela y charrar un ratu, pero ayeri malapenes pudimos. Eso sí: polo menos pudimos tocar xuntos un tema, que tovía presta más.

Primero tocaron Jacobo de Miguel, Ethan Winogrand y David Casillas, temas de Monk. Y son tres fieres corrupies. Basta decir que lluéu naide quería salir a tocar dempués d’ellos. Pero como digo siempre: los grandes son los más humildes y los más pacientes. Y allí quedó Jacobo a ayudanos a toos.

Como nun se animaba naide, yo salí, tamién salió Fede, creo recordar que Gonzalo, y dixo Jacobo “¿qué tal si tocamos All the things you are?” Pues hala, a ello. Sobreviví.

Les jams valen, entre otres coses, pa deprender a afrontar imprevistos. Y ayeri nun había ampli de guitarra. El de baxu tenía una entrada estra, pero nun diba sonar mui bien. Bueno, eso ye lo de menos, me dixe. Si suena peor, suena peor. Y sí,  el soníu ye malísimu.

Otru problema: nun hebía micrófonu. Ye el primer día que pasa, y tien que ser el día que vien Mónica. ¿Crees que se cortó? Non, señor; esta se arremanga, canta a pelo, los demás tocamos más suave, y pista. La xente empezó a callar y escuchar… y triunfó, claro.

Equí tengo unos error brutales (¡perdón a Juan Robles, que ye el que toca esto perbién!), pero nel pecáu ta la penitencia, asina que voi colgalo equí, pa bien y pa mal, porque pa mí ye un recuerdu guapu. All the things nun la cuelgo, que ye muncho más llarga tovía. La grabación ye pésima, pero ¿a quién-y importa?

Ye lo que pasa cuando ún toca un tema nuna formación na que nunca nun lu tocara, y ta tan atentu a dar indicaciones… que lluéu falles na to parte.

Dempués subió otra xente, y lluéu pasó otra cosa buena; dixéronme de salir otra vez, y salí. Jacobo dixo que tocáramos Well you needn’t, yo digo que nun conozo el tema, nin sé cómo ye (oyéralu namás una vez, nun conciertu que diera Carrio con temas de Monk nel D’Angels Drinks), él diz que ye igual, yo digo que bueno, que si será factible que lu toque poles buenes, y diz que sí, que el puente ye un poco cabrón, pero que escuche y p’alantre. Y la verdá que sí, que salimos p’alantre perbién.

Asina que pude compartir un momentín con Mónica (que marchó pronto) y deprender más coses importantes, y ver tocar a Javi, cantar (tamién ensin micru) a Elena Llorente… Un día completu.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: