Jam nel Blanco Satén – Insensatez (How Insensitive)

Ayeri foi la jam del CAJ (Colectivo Asturiano de Jazz) nel Blanco Satén. La cabera d’esti cursu. Espero que’l próximu añu entamen otra vez.

Ayeri taben Alfredo Morán, Tony Cruz, Xaime Arias y Fernando Arias. A Xaime, les veces que lu vi últimamente, gustome enforma, más que cuandu lu entamé a oír va dellos años (que ya ye decir). Pémeque meyoró un montón, anque paezca imposible nun músicu d’esti nivel. Tamién me gustó muncho Fernando Arias, un músicu al que oyera poco.

Cuandu me llegó el turnu, toqué los cancios que mirara: Recordame (salvable) y Stella by Starlight (salvable tamién), que toqué con Alfredo, Tony y Fernando, y prestome pola vida. Llúeu, cuandu yo ya baxaba, díxome Alfredo que tocara Solar. Y nun pude negame, anque ye un tema mui problemáticu pa mí. En realidá ye un tema perfácil, y además miráralu dalguna vez va tiempu, pero tien delles dificultáes. Una, que tóquenlu, de cutio, bastante aprisa. Y dos, que esi putu papel del Real Book tien tres compases por llinia envede cuatro, como ye’l vezu. Si lu lleves mui, mui de memoria, da igual, pero en cuantu tengo que mirar pal papel, ya me saca de mis casilles. Y yo nun lu llevaba de memoria; nun lu mirara dende va munchos meses. Poro, saliome bastante mal.

Y cuandu baxaba otra vez, dizme Alfredo: “Mira a ver si ta Javi pa que toque Insensatez. Busqué a Javi, pero nun taba pel llabor (fora al oculista, echara gotes y nun veía na, el probe). Cuandu-y lo dixe a Alfredo, dixo: “¿Tóquesla tú?” Yo dixe asustau “No, no”. Pero lluéu pensélo, y anque tampoco la mirara, en realidá conózola meyor que Solar. Asina que díxe-y: “Bueno, pues sí, tócola yo”. Y entós subió Xaime.

Y saliome esto. Total, que yo apunteme a dos canciones, pero al final toqué cuatro y tuve casi media hora ellí enriba. [Grabáo permal con un móvil que, además, satura too lo que graba.] Qué pasada tocar con Xaime, fai que funcione too. Bueno, qué pasada tocar con toos, la verdá.

[audio http://cal.hola-mundo.info/musica/blog/2013-06-19-22-09-13-Insensatez.mp3|titles=Insensatez]
Anuncios

Una respuesta to “Jam nel Blanco Satén – Insensatez (How Insensitive)”

  1. Jam nel Danny’s | Diariu de Guti Says:

    […] Les mis opiniones y les mis llocaes « Jam nel Blanco Satén […]

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: