Milenta cómics… gratis: Lackadaisy, de Tracy J. Butler

Últimamente fice un descubrimientu increíble: Tracy J. Butler y la so obra Lackadaisy.

Nun me gusten los gatos. Pero l’art déco vuélveme llocu. Si dependiera de mí, podíemos vivir toos en ciudáes onde tolos edificios foren art déco, o modernistas o art nouveau. D’esa forma d’arte de cuandu paecía que la téunica diba solucionar tolos problemas. Pa mí el glamour nun ye’l recargamientu, el brillu; ye esa manera de poner formes xeométriques nos oxetos, esa manera de facer les coses con intención, seyen edificios residenciales, estaciones de tren o maquinilles d’afeitar.

Y Lackadaisy ye art déco perdayures. Pero pa enriba, Tracy J. Butler ye una dibuxante xenial. Déxame ablucáu en ca viñeta.  El dibuxu ye impresionante, pero si vamos a la composición, el sombreáu… Eses viñetes sepia, esos brillos en blanco, que paez que tas viendo una pantalla de cine antiguo… Y pa enriba, la documentación: Lackadaisy trescurre en San Luis, na época de la prohibición, y pues tar seguru de que lo que ves nes viñetes veslo por dalgo. O reflexa la vida como un espeyu (salvo polos gatos) o la propia autora avísate si se toma dalguna llicencia.

Miráime qué hotel. Esto ye art déco. Pue ún tar mirando esta viñeta, y deprendiendo, media hora.

Hotel Lackadaisy

Miráime qué coche, qué traxe.

Coche Lackadaisy

Miráime qué escalera. Qué lluz.

Casa LackadaisyY qué chigre.

Chigre LackadaisyPero nun son  namás les coses; ya se ve ehí cómo ye esta muyer dibuxando los personaxes. Si yes una moza xoven, pero que fuisti enfermera na primera guerra mundial… dempués d’haber visto lo que viste, los tos güeyos han tener permanentemente, de fondu… una… un… Nun sé, lo que seya que hai nestos güeyos.

Güeyos Lackadaisy

Lo grande ye que esti cómic ta disponible online; vas a la primera páxina, vas pasando pa la siguiente, y pues disfrutar ciento y picu páxines d’una calidá ablucante.

Nun ye un cómic fácil de lleer; tá n’inglés, y un inglés difícil. Ye un inglés coloquial, compactu, brillante, con un ritmu tremendu, y eso ya lo fai difícil. Pero lluéu hai delles referencies culturales, y nun son namás referencies americanes, que ya mos pillen lloñe; son referencies de los años venti del sieglu pasáu. Hai hasta slang. Y pa encima, la propia autora reconoz nes FAQ: “I have a thing for peculiar words”. Yo delles veces nun pillo ni la mitá. Ellos mesmos lo dicen: tienen pallabres pa dar y tomar.

Pallabres LackadaisyPor embargu, pues seguir el argumentu perfechamente, que ye de lo que se trata. Así que merez la pena disfrutar de dalgo asina. Una obra d’arte en tolos sentíos. Pa enriba, Tracy tien nel sitiu web montones d’extras, desplicando cómo dibuxa ella los cómics, les viñetes, los personaxes, les espresiones de les cares.

Anuncios

Una respuesta to “Milenta cómics… gratis: Lackadaisy, de Tracy J. Butler”

  1. Los libros de 2013 | Diariu de Guti Says:

    […] Les mis opiniones y les mis llocaes « Milenta cómics… gratis: Lackadaisy, de Tracy J. Butler […]

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: