Andalucía y Asturias

Va muncho que quería poner esto a disposición del mundu. Andalucía y Asturias, de Diego Terrero y Teodoro Cuesta.

Nun ye dalgo actual; por embargu, ye dalgo vieyo, con un estilu antiguu, una polémica poética d’eses que ya nun se faen. Pero yo sintiera falar d’esti llibrín dende pequeñu, y nun m’alcuerdo cómo, llegóme un exemplar. Vieyu. Non de 1870, cuandu se publicó, pero d’una edición de 1931.

Va poco decidíme a ponelo equí. Ye un folletucu que caía a cachos, y fice por curialu lo más posible. Quité-y les grapes, que daquién y punxera a lo burro; duldé si desdoblar fueyes que llevaben dobláes más tiempu del que llevo yo sobre la faz del mundu… Alisélo, escaneélo y lluéu preparé una versión un pocoñín más lixera pa Internet.

Esta polémica, llena de tópicos y, como digo, d’otru tiempu, tovía se ve delles veces referenciáa perende. Incluso polo visto daquién grabó un discu, cola voz de Matías Prats (padre) y la del actor y barítonu Antonio Medio, y güey pues escuchalu’n Youtube.

Sí, esti ye'l mi exemplar

Sí, esti ye’l mi exemplar

Pues equí ta en PDF. Pémeque ponela equí nun ye ilegal, y fáigolo de buena fe; fai 83 años que s’asoleyó esta edición, y más d’un sieglu que se publicó’l testu orixinal. Espero que naide nun venga decime que lo quite… Hasta onde sé, esto ta nel dominiu públicu, incluso coles leyes demenciales que lo rixen.

Ye una pena que nun podáis ver el papel verxurao coles manches de les décades, les esquines comíes… Pero polo menos podemos compartir esta reliquia.

Sí, señores. En 1870 hebía xente escribiendo’n asturiano. Pero nun ye raro; pa les bromes y la comedia, nin siquiera güey ta mal visto.

Andalucía y Asturias, por Diego Terrero y Teodoro Cuesta [PDF, 8,8 MB]

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s


A %d blogueros les gusta esto: