Archive for the ‘ast’ Category

Los llibros de 2016

31 31UTC diciembre 31UTC 2016

Esti añu nun lleí muncho. Pasélu cásique en blanco. Namás lleí un llibru que me regaló el mi amigu Manolo. Lluéu dime cuenta de que llevaba munchu tiempu ensin disfrutar de la ficción, y un poco por probar púnxeme a lleer dellos clásicos de ciencia ficción. Y lluéu, fai poco,  entamé a lleer tol ciclu de Asimov de les fundaciones, darréu.

Y equí toi:

 

Robots e imperio Isaac Asimov
Los robots del amanecer Isaac Asimov
El sol desnudo Isaac Asimov
Bóvedas de acero Isaac Asimov
Yo, robot (releído) Isaac Asimov
Flores para Algernon Daniel Keyes
La Luna es una cruel amante Robert A. Heinlein
Quantum Manjit Kumar
Anuncios

Gilad

5 05UTC mayo 05UTC 2016

Fai cinco años cunté equí cómo pude conocer en persona a Peter Bernstein, y ver una clas d’él.

Pues resulta que ayeri tocaba’n Xixón Gilad Hekselman. Si dixe que Bernstein ye ún de los guitarristas vivos de jazz más importantes del mundu… pues Gilad ye otru.

Y resulta que dos conocíos míos arreglaron una clas con él… y lleváronme d’intérprete.

Foi perinteresante ver cómo trabaya Gilad el tiempu. Pon el metrónomu (2 y 4, por exemplu), y cuando ta agusto con un tempu, pon el metrónomu a la mitá (namás el 2); y dempués a la mitá (el 2 ca dos compases). Va “quitando ruedines” a la bici hasta que se responsabiliza él de llevar el tempu. Además hai que trabayalo ensin movese ni marcar el tempu con ná (cuando toques faes lo que quieras, pero estudiando non, has d’interiorizalo tú). Paecío fai pa facese con compases irregulares; por exemplu va contando los tiempos del 5, pero marca colos deos de tres en tres. Cuando-y sal, marca ún de ca 3. Cuando-y sal, nun cuenta 5, cuenta el 1 (y sigue marcando colos deos ca 3).

En xeneral, la so filosofía pa estudiar ye que cuandu atopes dalgo que te cuesta, la “to mierda”, ye eso lo que tienes que trabayar.

Pero lo que foi ablucante foi el “contrapuntu”, la polifonía. Gilad dixo dalguna vez qu’él quería tocar la guitarra como el pianu, que envidiaba a los pianistas por poder tocar delles llínies a la vez. Y eso fai él cola guitarra. Púnxose a tocar la melodía de All the things you are, y a la vez tocaba una llínia de redondes (por supuesto, que fora melódica tamién, que quedara guapa cola principal, que nun hubiera unísonos…). Lluéu tocaba blanques, lluéu negres… Lluéu un patrón rítmicu… Dalgo imposible práuticamente pa tolos guitarristas que conozo. Pue facese fácilmente, claro… preparao. Non sobre la marcha como facía él.

Dempués foi el conciertu, el Contextual Trio de Petros Klampanis (con John Hadfield). Impresionante.

Asina que otra esperiencia increíble.

Ya ta’l dañu fechu (III)

18 18UTC marzo 18UTC 2016

Fai tiempu dexé aquí güelga de cómo merqué una guitarra de caxa, en 2006. Tiempu dempués, en 2010, merqué otra meyor, y facía bromes con que cuatro años dempués mercaría otra.

Nun foi asina, pero esta selmana, ensin pensalo muncho, fice otra tontáa. Vi’n eBay una guitarra que facía tiempu que me gustaba muncho, paecióme que tenía un preciu afayaízu, puxé por ella… y como nun puxó naide más, gané yo.

Y ye dalgo semeyo a esto. Tovía nun me llegó, veremos en qué queda la cosa.

Godin Multiac Duet Ambiance Nylon

Godin Multiac Duet Ambiance Nylon

Fai tiempu que me prestaba tener una guitarra de cuerdes de nylon (como la española, pa entendenos). La española que tengo ye de les barates, y pa enriba nun se pue enchufar, claro.

El soníu de guitarra que a mí me presta ye’l acústicu, el natural de la guitarra. Pero amplificar una guitarra acústica ye un problema perdifícil, que nun ta solucionáu. La única manera buena de facelo ye poné-y un buen micrófonu delantre. Pero eso, en direutu, ye fácil que acople, y pa enriba tienes que andar con un montaxe muncho más incómodu que si llegues y enchufes la guitarra. Pocos guitarristas se molesten en cargar con micrófonos pa delantre la guitarra; yo namás conozo a Julian Lage.

Tolos intentos por amplificar una guitarra son males menores. Les pastilles de les guitarres eléctriques con cuerdes metáliques xeneren un soníu especial (una guitarra eléctrica ye un instrumentu diferente que una acústica). Si tas pensando en meter un micrófonu dientro la guitarra, nun val pa ná, porque tú la guitarra nun la oyes dende dientro; el soníu dientro una guitarra nun tien ná que ver colo que oiría el públicu. Les pastilles piezoeléctriques capten les vibraciones de la guitarra, por contautu, pero claro, piérdense milenta efeutos de la caxa, la maera… Nun ye igual. La mi Eastman sabe muncho de too esto… Nun ye fácil que suene bien amplificáa, y agora entamo a pillá-y el puntu.

Esta guitarra de Godin ye amplificáa, pero tien un sistema que teóricamente fai que suene abondo natural. Los de Godin pusieron un sistema de Fishman, el Aura, y los de Fishman pa desarrollar la electrónica de la guitarra lo primero que faen ye grabala de dos maneres a la vez: cola pastilla piezoeléctrica que lleva, como toes, pero por otru lau tamién con un bon micrófonu delantre. Y entós faen un análisis de la ecualización que fai falta pa pasar del soníu que salió de la pastilla al soníu que se sentía de verdá nel micrófonu.

Dempués, supongo, de munches prebes, cuando tienen claros los parámetros, ponen esi algoritmu nun chip, o lo que seya. Y esi ye el que-y ponen a la guitarra. De manera que, en tiempu real, el cacharru ta convirtiendo la señal de la pastilla, un poco falsa, en dalgo parecío a lo que se debería oír na habitación. Y colos botonucos de la guitarra pues escoyer si quies el soníu de la pastilla ensin más, o namás el soníu ya procesáu, o una mezcla de los dos, que ye lo que polo visto fai tol mundu.

Esta ye la más sencilla d’esta gama. Hay modelos con meyores maeres, y con una electrónica añadía pa coneutar la guitarra a nunsequé sintetizaores de Roland… y eses guitarres cuesten el doble. Yo quería namás la guitarra acústica de nylon… bien amplificáa.

A ver si ye verdá too eso. Equí vos dexo un regalu, la mi almiráa Mili Vizcaíno tocando bossa con esa guitarra (bueno, probablemente seya un modelu superior, nun lo veo bien):

Y equí una demostración del Fishman Aura Spectrum. La guitarra nun ye una Godin Multiac, ye otra acústica. Pero el aparatu que vende esti tío ta basáu na mesma teunoloxía que la electrónica de la Multiac. Nel minutu 1:22 toca primero ensin el efeutu, cola pastilla (“pickup”) sola, y lluéu col efeutu, pa ver la diferencia. Vese que “con pickup” el soníu ye más… eléctricu, artificial.

Scofield en Xixón

10 10UTC noviembre 10UTC 2015

El vienres fui a ver a John Scofield (y Joe Lovano, Bill Stewart y Ben Street) al teatru Jovellanos. Scofield ya viniera, pero como nun soi ná mitómanu y me da perezona, non fuera. Pero ver músicos de jazz en dieruto nun ye cuestión de mitomanía; ye cuestión d’arte. Un discu ye una cosa; una actuación ye otra.

La xente dixo que yera la vez que menos yos gustara. Que’l soníu de la guitarra yera demasiao gochu. Que la guitarra y el saxu taben demasiao fuertes y nun se oyía el contrabaxu. Bueno, ye verdá too eso.

Pero como yo nun lu viera enantes, nun tenía pa comparar. Y foi impresionante.

Como la entráa la merqué el día enantes, ya nun hebía muncho sitiu, y tocóme atrás del too. Como nun sabía si diba vese bien o non, entré al chinu, merqué unos prismáticos de siete euros (costando la entráa 26, merecía la pena asegurase de disfrutalo) y pasélo bomba. Veíase bien de sobra, la verdá, pero colos prismáticos (de xemes en cuandu, porque dan dolor de cabeza) pude ver tolos detalles que quise.

Lo dicho, impresionante. Hebo momentos de belleza pura. Qué tío.

Scofield (g), Lovano (ts), Stewart (d), Street (b)

Scofield (g), Lovano (ts), Stewart (d), Street (b)

Y si non, dime que esti canciu nun te gusta.

Todo por un poema (II)

30 30UTC octubre 30UTC 2015

Ayer se me olvidó anotar otra cosa que pensé mientras leía la noticia.

La poesía es, seguramente, la forma literaria más libre. Puede rimar, o no. Ya los barrocos colocaban los sintagmas en un orden muy diferente al habitual. Ya a principios del siglo XX (y seguramente antes) algunos poetas hacían dibujos con las palabras (caligramas).

La colombe poignardée et le jet d'eau (Apollinaire)

La colombe poignardée et le jet d’eau (Apollinaire)

En poesía uno puede decir cosas con sentido o sin él, puede lanzar palabras como pedradas, respetar la gramática o comérsela, escribir cabeza abajo. Juan Ramón Jiménez escribía el sonido j con la letra j. Puedes escribir poesía en élfico, si quieres. O en un lenguaje más inventado aún que el élfico, uno que solo entiendas tú.

Si en aquel acto alguien hubiera leído un poema en un lenguaje inventado, si alguien hubiera destrozado la gramática que es el núcleo de la obra de cualquier lingüista (Alarcos padre incluido), seguramente no habría pasado nada. Ni la viuda ni el hijo se habrían puesto hechos unos basiliscos. Tampoco si alguien, ya de paso, hubiera hablado de basiliscos, que son seres imaginarios y absurdos. La poesía es el reino de la libertad.

Pero si se te ocurre decir cuatro palabras en asturiano… ay, madre. Alarquitos dice que es inventado, una “puta mentira”, pero ningún lenguaje inventado le habría molestado. Así que no creo que vayan por ahí los tiros.

A mí me molesta que el asturiano sólo se acepte (“se tolere”, en palabras de Alarquitos) si cuentas chistes vestido de aldeano o si escribes poesía o si hablas de folclore. Pero es que ya hasta la poesía molesta.

Todo por un poema

29 29UTC octubre 29UTC 2015

Por lo visto, hay una cátedra “Emilio Alarcos”. Y un hijo de Emilio Alarcos, que se llama Miguel Alarcos. Y la viuda de Emilio Alarcos es la directora de la cátedra.

Y por lo visto, en un acto en el que se presentaba una antología literaria, algún criminal tuvo la desfachatez de leer un poema en asturiano. Esa lengua que no necesita oficialidad, que supuestamente ya está suficientemente bien tratada y aceptada, que no hay que imponer, que es una amenaza de los asturchales, que… Que goza de todo el buen rollo del mundo mientras no te atrevas a usarla, salvo que sea para contar chistes disfrazado de aldeano.

Cualquiera diría que la persona que leyó el poema lo grabó en un bate de béisbol y se lió a hostias con los presentes. Porque la reacción de Alarquitos (y lo digo como diminutivo cariñoso, para diferenciarlo del padre) fue proporcional a la agresión. La viuda dicen que también hacía gestos de desagrado.

Alarquitos dijo, por lo visto, que la llingua asturiana es un “constructo artificial que nadie habla”, que la lectura de ese poema fue una “falta de respeto a la memoria de mi padre”, y en no sé qué grupo de Facebook dijo que “queda terminantemente prohibido cualquier uso o difusión del acto o de cualquier otro en que el nombre de Alarcos Llorach se vea mezclado con las actividades de ese invento del asturiano… una puta mentira que se aprovecha de la gente de bien y beneficia a políticos y filólogos paletos”, y que “Queda también prohibido la defensa o uso de la llingua asturiana en este grupo. Antes era tolerante. Ahora se me han hinchado las pelotas y ya no paso ni una”.

Nos ha jodido, el tolerante.

Emilio Alarcos, por lo que he leído, no era asturiano. Pero de todos modos, fue miembro fundador y de honor de la Academia de la Llingua Asturiana. Así que lo de la falta de respeto a la memoria de su padre… quizás es una falta de respeto a la memoria que él tiene, o quiere tener, de su padre.

Respecto al constructo artificial, todas las lenguas normalizadas lo son. Él debería saberlo. Es filólogo, o eso cree.

Respecto a que nadie la habla, o el invento o la puta mentira… quiere decir que él no la habla. Como tantos otros, desprecia lo que ignora. Supongo. Yo qué sé. Sé que lo que es una puta mentira es que nadie la hable. Yo lo hago. Y no lo hago solo. No siempre, vaya.

Total, no sé qué clase de alteración nerviosa padece Miguel Alarcos para ponerse de esa manera por un poema en asturiano. Pero si uno es hablante de asturiano… acojona, ¿que no? Le dices “talluéu” y te puede caer una patada en la barriga como mínimo.

Mira, Miguel. No nos toleres. No necesitamos tu tolerancia, porque además no tienes derecho a tolerarnos o dejar de hacerlo. Limítate a cumplir las leyes y no agredir a  nadie, que nosotros no te haremos nada. Yo ni siquiera te voy a insultar. Con las sandeces que dices te retratas solo.

[Continúa en Todo por un poema (II)]

Moonglow – Transcribiendo a Russell Malone

10 10UTC agosto 10UTC 2015

El mi profesor díxome que esti branu trabayara el swing, el tempo, más que ná. Y escoyí, nun sé si con aciertu o non, un solu cortín de Russell Malone: Moonglow, del discu Bluebird que grabó col pianista Benny Green. Y equí dexo cómo va la cosa hasta agora:

Pémeque meyoré un poco, nun ta tan apresurao y tien un poco swing, pero dempués de velo grabáo doy-me cuenta de que he meyorar muuuuncho tovía (sigo puxando un poco). Grabase ye persano…

Curioso: Youtube díxome que detectara el usu d’una música con drechos d’autor, y que podía facelo pero que diben poner anuncios nel vídeu. O sea, que la máquina que atopa cachos de grabaciones… detectó que esto ye un cachu de Moonglow, por Benny Green y Russell Malone, que me paez téunicamente ablucante. Pero pa enriba… cree que ye el orixinal, y nun ve que yo toi tocando, lo que me paez ya increíble (y un halagu pa mí, que hasta la máquina cree que soy Russell Malone).

Guitarra: Ibanez Artcore AG75.

Cámara: cámara frontal del mi móvil. Vídeu cortáu con FFMPEG.

Soníu: grabáo direutamente a la mesa Zoom R16, amestáo con Audacity.

Montaxe: MemoriesOnTV 4.0.

Beautiful Lokelele

15 15UTC junio 15UTC 2015

El vienres pasáu, por sorpresa, los mis compañeros de la Universidá ficiéronme una cena de despidida.

Y regaláronme coses precioses. Ente elles… un ukelele tenor (Lanikai LU21TE). El ukelele ye un instrumentu que siempre me fizo gracia, y apetecíame polo que tien de llixeru, pero nun me acaba de llenar el soníu tan agudu. Pero esti ye tenor, tien más cuerpu, y además pue amplificase.

La cena acabó tarde, pero al día siguiente… ya tuve que probalu. Miré cómo yeren los acordes, punxe a una famosa pianista a tocar, y yo acompañela.

Así que ya eché a rodar. Paezme que voy coyer viciu. Gracies, amigos del alma. Beautiful Love:

La política ye como’l baloncestu…

28 28UTC mayo 28UTC 2015

Voy facer un poco como Jesulín de Ubrique nel guiñol: envede colos toros, voy comparar la política col baloncestu.

Cuandu yo xugaba al baloncestu, bien ceo entamé a chupar banquillu. Pa enriba de nun ser una figura (y de que entamé a facer deporte a los 16 años, demasiao sero), yera demasiao disciplináu, demasiao obediente, demasiao responsable; y eso, pa un pivot, ye la muerte. Dícente “defiende”, y tú defiendes, porque lo primero ye’l equipu, y too eso. Y entós sacrifíqueste pol equipu. Y cuandu te das cuenta, eso ye lo único que faes. Sacrificate. El primer partíu oficial que xugué, cuandu nun tenía ni idega, foi la segunda mayor anotación de la mi curtia carrera deportiva; esi día dixéronme “bien, pero has tirar menos, y más cerca’l aru”. Y ehí terminóse too. D’ehí p’abaxo. Nunca nun voi saber cuánto habría anotao de haber seguío xugando ensin pensar tanto, ensin ser tan responsable.

El final de la mi carrera vino en tres veces. El primer avisu foi un tornéu de veranu, nel que yo taba nun equipu -La Carbonera- col que llegamos a la final. Enfrente teníemos a un equipu -el Busgosu-, collacios nuestros na lliga, que yeren buenos, pero podíemos ganalos. Ún de los pilares d’aquel equipu yera Ramón, güey alcalde de Llena, un pívot imparable que anotaba lo suyo. Yo, ya que de aquella ya valía pa defender y poco más, tomé la determinación: aquel nun diba ser el partíu de Ramón. Diba quedar en seco. Nun diba ni a recibir la pelota.

Xugué un partidazu. Algamé lo que nun algamara naide nel tornéu: tuve a Ramón suxetu. Nun entraba na zona, si entraba nun recibía pelota, y si la recibía nun revolvía. Fice por anulalu, y práuticamente anulélu. Fice un imposible. Una defensa de manual, y ensin muches faltes. Yo nunca nun fui un gran xugaor, y sélo porque entiendo un poco de baloncestu; y por eso sé cuándu lo faigo bien. Y esi día fice una exhibición. Propúsemelo, y fícelo.

Un xugaor que defiende nun tien el apreciu de la xente; nun se ve. Pero sí lo ven los entendíos, los que xueguen contigo, el entrenaor. El nuestru entrenaor, si mal nun recuerdo, yera’l entrenaor del equipu oficial de la villa; el mi entrenaor de tola vida.

El restu’l equipu taba xugando permal. Díbemos perder, y eso que lo teníemos fácil: Busgosu nun taba faciendo ná.

Y entós, al descansu, el entrenaor dio les instrucciones, y dixo… que güey que Ramón nun taba faciendo ná, teníemos que aprovechar eso. Rubén (y otros pívots) teníen que aprovechalo.

Non, nun dixo “güey que esti home tien a Ramón atáu de pies y manos y fechu un paquetín envueltu pa regalu”. Dixo que Ramón nun taba faciendo ná. Nin miró pa mí. Nun viera ná de lo que yo ficiera. Y esi día, que nin siquiera’l entrenaor, un entrenaor esperimentáu y que m’empobinara pa convertime no que yo yera ya dende aquel primer partíu nel que tomé el camín del sacrificiu y non el de les canastes, reparó en tolo que yo ficiera (que yera abondo más difícil, cansao y sacrificáo que ná de lo que ficiera el restu) decidí que nun diba tardar muncho en dexar aquella puta mierda.

La señal definitiva pa dexalo, la tercera, foi una lesión nel tobillu. Pero enantes hebo una segunda: un partíu importante que xugamos (¿contra la Avilesina? Nun m’alcuerdo) y que foi una mierda tamién, pero peor. Los titulares, les estrelluques del equipu, daben pena, ascu y dolor. Taben faciéndolo polvo, toos. Nun yera un día d’esos que te compadeces porque ves que too yos sal mal y tan negáos, como pudo pasar contra Busgosu; eso pása-y a cualquiera. Esto non; esto ye un día d’esos en que lo que te dan ye ganes de da-yos una somanta palos, porque lo merecíen. Una cosa ye xugar mal y otra aquella falta d’enerxía, de responsabilidá, de güevos. Aquello yera tan insufrible que’l partíu taba faciéndose eternu, y tovía faltaben más de diez minutos. Yera una tortura ver aquello, humillante, insoportable, non ya pola paliza que nos caía, sinon por cómo nos caía, contra un equipu que pa enriba tampoco taba faciendo maraviya dala. Si se pudiera ún rendir como nel axedrez, de xuru que lo facíamos nel momentu. Nun tenía xacíu dalu seguir ellí.

Y entós el entrenaor sentó a casi toles estrelles de golpe; sentó a cuatro, y sacó a los reservas. Ente ellos, yo.

Nun sé lo que pretendía. Si quies castigar a un titular, o nun tien el día, siénteslu nel banquillu, sí, y das la oportunidá al reserva. Pero esi día…

Esi día sentar a aquella manta d’inútiles nun foi un castigu. Foi un premiu. Envede aguantar lo que ellos mesmos estropearen, asumir les consecuencies y pasar aquella agonía que ellos buscaren, segundu a segundu, entós sí; entós salimos los pringaos a comer la so mierda. Nun yeren nin les sobres; salimos a llevar les hosties que teníen que recibir ellos. Cuandu ya yera completamente imposible enderechar ná, cuandu el partíu taba totalmente estropeáu y perdíu, salíemos los demás. Paecióme tan ofensivo, paecióme tal despreciu, tal falta de consideración, que decidí que aquello diba terminar.

¿Qué tien que ver too esto cola política?

Pues lo siguiente. Preséntome a alcalde (o lo que seya). Si gano, soy alcalde. Pero si pierdo, marcho. Y ehí vos quedáis los collacios del partíu, los ciudadanos que me votastis, los rivales políticos. La oposición, el control al gobiernu, que lo faiga otru; yo namás alcalde.

Si tuviéramos un mínimu de responsabilidá colos puestos políticos, nun desixiríamos a los candidatos que dimitieran cuandu pierden unes eleiciones. Desixiríamos que ficieren cuatro años el trabayu pal que se los votó. Que ye representanos. Que ye influir na política. Que ye xixilar lo que se fai coles nuestres perres. Que ye aplicar na balanza el pesu que-yos hayamos dáo, muncho o poco. Pue ser un trabayu prestosu, como mandar y cobrar comisiones, o pue ser un trabayu duru, como denunciar lo que ta mal o facer por algamar dalgún acuerdu en dalguna materia. Pero ye un trabayu que te comprometiste a facer.

Nun digo que tengas que ser candidatu pa otra vez, claro. Si perdiste, has pagalo. Pero has pagalo trabayando cuatro años na oposición, non marchando y dexando que los reservas coman la to mierda.

Lo contrario recuérdame a los mis collacios. Cuandu tan metiendo trenta puntos y tol mundu los aplaude, xueguen. Cuandu tan dando pena, ascu y dolor, siéntense y que otru arregle el destrozu.

B. B. King

15 15UTC mayo 15UTC 2015

Paez que morrió B. B. King.

B. B. King nun toca (porque resístome a decir “tocaba”) coses muy avanzáes, armoníes rares. Lo d’él ye’l, blues clásicu, tradicional.

Pero tolos guitarristas lu almiren. El mi profesor nómalu a menudo pa enseñanos que lo más importante ye tocar les notes “nel sitiu”. Tú pues facer una resolución sosteníu cinco alterada nunsecómo, pero llega B. B. King, toca tres notes en el sitiu, y tienen más fuercia que toles virgueríes que tú pueas intentar facer. Aparte de la elegancia, la pureza, y la profesionalidá: eses chaquetes con llentexueles, eses tarabiques.

Ye la referencia del blues eléctricu. Y además siempres tuvo ehí, los demás marchaben pero él non. Yera un grande que seguía equí, ún de los que nos enseñó a amar el blues. Y agora… agora marchó.

El periodista, Pablo Pardo, fai un percorríu pela vida del maestru, y nun ye una mala esquela. Lo que escribió ye más que digno, tá perbién, pero namás una puntualización: diz, como exemplu de que salió de la nada, que entamó nes chaboles y llegó a tocar nel Royal Albert Hall con Slash, el guitarrista de Guns’n’Roses.

Lo cierto ye que ye Slash el que llegó a tocar con B. B. King.